Prezidentliyə namizəd bunları həyata keçirəcək

20.09.2013

Azərbaycanda doğulan hər bir uşağa1000 (min) manat birdəfəlik, 18 yaşına çatanadək isə hər ay minimum əməkhaqqı miqdarında müavinət veriləcək;

Axrıncı övladı 18 yaşına çatanadək hər bir evdar qadın üçün uşaqlarını böyütdüyü dövr əmək stajı kimi hesablanacaq;

Evsiz hər bir ailəyə dövlət evləri veriləcək, belə evlər olmayan yerlərdə həmin ailələrin kirayə haqqı dövlət hesabına ödəniləcək;

Evlənmək istəyən gənclərə faizsiz uzunmüddətli evlənmə krediti veriləcək;

Neft və qazdan əldə olunan gəlirin 80 % birbaşa ailə büdcələrinə köçürüləcək;

İşini itirmiş hər bir vətəndaşa 3 il axırıncı iş yerindən aldığı əmək haqqının 60%-i, işsizlik statusu almış vətəndaşlara isə minimum əməkhaqqı həcmində hər ay yardım ediləcək;

Dövlət sektorunda çalışanların, xüsusi ilə də təhsil və səhiyyə işçilərinin əmək haqları real əməkhaqqı sistemlərinə keçiriləcək, bununla da orta əməkhaqqının miqdarı 1000-1500 manat miqdarında müəyyən ediləcək;

Sosial borclarını ödəmək imkanı olmayan ailələr borclardan azad ediləcək, banklara kredit borcunu ödəmə qabiliyyətini itirmiş vətəndaşların kredit faizləri ləğv ediləcək;

İnfilyasiya ilə bağlı cari indeksasiya siyasəti həyata keçiriləcək;

Aztəminatlı ailələrin uşaqlarının pullu təhsili dövlət hesabına ödəniləcək;

Orta təhsil müəssisələrində bütün dərs ləvazimatları tam dövlət hesabına, ibtidai sinif şagirdləri isə dövlət hesabına paltar və yeməklə təmin olunacaq;

Xaricdə təhsil almaq istəyən aztəminatlı ailələrin uşaqlarına uzunmüddətli faizsiz kreditlər veriləcək;

Dövlət səhiyyə sektoruna büdcədən ayrılan vəsait 10 dəfə artırılacaq;

Səhiyyədə sığorta sisteminin tətbiqi həyata keçiriləcək, tibbi müayinə, müalicə və dərman təminatı tam olaraq sığorta şirkətləri tərəfindən ödəniləcək;

Dispanser uçotunda olan xəstələr, müalicəsi baha başa gələn ağır xəstəlikləri olan vətəndaşlar tam dövlət hesabına tibbi yardımla təmin ediləcək;

İnsan sağlamlığı üçün təhlükəli olan qida və gündəlik tələbat mallarının idxalı qadağan olunacaq və ərzaq təhlükəsizliyi tələblərini pozan şəxslər cəzalanacaq;

Azərbaycanda istehsal olunan mal və məhsulların xaricdən gətirilməsinə məhdudiyyətlər qoyulacaq;

Gizli qiymət artımına və inhisarçılığa qarşı ciddi tədbirlər görüləcək;

Regionda orta və iri daimi iş yerləri açan müəssisələr 5 il hər cür vergidən azad ediləcək;

Vergi və cərimələrin miqdarı 2 dəfə azaldılacaq;

Restitusiya (mülkiyyətin əsl sahibinə qaytarılması) siyasəti həyata keçiriləcək, mülkiyyətin əldə edilməsi və ötürülməsində yol verilmiş ədalətsizliklər bərpa olunacaq, eləcə də dövlətin vətəndaşlardan aldığı mülkiyyətin real qiymətlərə uyğun əvəzi ödəniləcək;

Dövlətin təhlükəsizliyini təhdid edən, inhisarçılıqla məşğul və strateji əhəmiyyətli olan müəssisələr milliləşdiriləcək;

Orduda həyatını itirmiş hərbiçilərin ailələrinə ömürlük minimum əməkhaqqı miqdarında müavinət ödəniləcək;

 Azərbaycan ordusu NATO standartlarına uyğun formalaşdırılacaq və təchiz olunacaq;

Azərbaycan NATO-ya inteqrasiya edəcək;

Bütün zabitlər evlə təmin ediləcək;

Həqiqi hərbi xidmətdə olan hər bir əsgərə minimum əməkhaqqı miqdarında müavinət veriləcək;

Qarabağ probleminin hüquqi müstəvidə həll olunmasına cəhd ediləcək;

Dağlıq Qarabağda azad iqtisadi zona yaradılacaq;

Dağlıq Qarabağ ermənilərinə ikilik vətəndaşlıq statusu veriləcək;

Ermənistan dövlətindən işğal nəticəsində Azərbaycan xalqına dəyən maddi və mənəvi ziyana görə kompensasiya tələb ediləcək;

Xocalı soyqırımını törədənlər beynəlxalq məhkəməyə veriləcək.

Printer »»»