12.05.2013
Printer »»»
Bakı şəhərində keçirilən gül bayramında “HÜRRİYYƏT” qəzetinin
fotomüxbiri, ADP – nin Gənclər təşkilatının
sədr müavini Azər Sadıxov zorakılıqla üzləşib.
Belə ki, o, gül bayramından fotoreportaj hazırlamaq məqsədilə
Heydər Əliyev adına sarayın qarşısına gedib. Həmin ərazidə foto və videoçəkiliş
aparakən polis və mülki geyimli şəxslər ona yaxınlaşaraq çəkilişə imkan verməyiblər.
Bu zaman Azər Sadıxov özünün jurnalist vəsiqəsini təqdim edərək, reportaj
hazırladığını bildirib. Bu zaman polis və mülki geyimli şəxslər onun
fotoaparatını almaq istəyib. Azər Sadıxov buna imkan vermədikdə həmin şəxslərin
zorakılığına məruz qalıb. Polis və mülki geyimli şəxslər Azər Sadıxovu sürüyərək
ərazidən uzaqlaşdırmış, yaxınlıqda olan post patrul xidmətinin maşınına
salıblar. Maşında ona fiziki zor tətbiq edərək əlindəki fotoaparatını alıblar.
Azər Sadıxov bir neçə saat ac-sussuz maşında saxlanılmış, tədbir yekunlaşandan
sonra axşam saatlarında sərbəst buraxılıb. Polis əməkdaşları fotoaparatda olan
foto və video kadrları sildikdən sonra geri qaytarıblar.
