15.07.2013
Printer »»»
Qarşıda gələn prezident seçkilərində ADP-nin namizədini dəstəkləyəcək qüvvələrin seçki blokunun yaradılması istiqamətində danışıqlar gedir.
Bunu ADP sədrinin müavini Həsrət Rüstəmov bildirib. Onun sözlərinə görə, partiya qarşıdakı prezident seçkilərində öz namizədi ilə çıxış etmək niyyətindədir və belə bir qərar seçkilərə rəsmi start verildikdən sonra reallaşacaq. “ADP prezident seçkilərində öz namizədi ilə iştirak haqqında bəyantla çıxış etməsindən sonra ölkədə fəaliyyət göstərən bir sıra siyasi partiyalar, QHT-lər, ictimai təşkilatlar və ayrı-ayrı ziyalılar partiyann namizədinin seçki blokunda işritak etmək arzusunda olduqlarını bəyan edib. Artıq ADP-nin namizədinin seçki blokunun yaradılması istiqamətində məsləhətləşmələr gedir və partiyaya daxil olan təkliflərə baxılır”,-deyə o bildirib.
Konkret olaraq hansı partiyalarla danışıqlar aparıldığını deməyən H.Rüstəmov bildirib ki, danışıqlar ilkin mərhələdə olduğundan bu barədə danışmaq tezdir, sadəcə olaraq edilən təkilflər dəyərləndirilir: “Biz hansı formada və şərtlər daxilində təkcə seçki blokunda deyil, seçkidən də sonra birgə əməkdaşlıq edib fəaliyyət göstərə bilərik”.
H.Rüstəmov müxalifətin namzidənin dəstəklənməsi məsləsinə də münasibət bildirdi: “Əgər müxalifətin layiqli namizədi olsaydı, onu dəstəkləməy hazır idik. Amma bu gün bütün müxalifət qüvvələri tərəfindən dəstəklənən və milli maraqlara xidmət edən namizəd olmadığından, biz öz namizədimizlə çıxış etmək niyyətindəyik”.
